قنبلة القط: لعبة كروت مليانة خداع وضحك وتخطيط، هدفك الوحيد: تنجو من قنبلة القط وتخلي غيرك يطيح فيها 😈💣
فكرة اللعبة
تلعب دورك بالاوراق اللي عندك او تسحب كروت، وتحاول ما تطلع لك قنبلة.
لو تسحب قنبلة وماعندك تفكيك → تطلع من الجوله على طول .
⸻
1️⃣ التجهيز
• نخلط كل الكروت.
• نطلع كروت القنابل ونحطها على جنب.
• نوزع على كل لاعب 5 كروت.
• نرجّع كروت القنابل داخل باقي الكروت .
• نخلطها زين ونحطها كومة وحدة بالنص (كومة السحب).
⸻
2️⃣ طريقة اللعب
• اللعب بالدور.
• في دورك:
1. تقدر تلعب بوحده من الكروت اللي عندك
2. او تسحب كرت واحد من كومة السحب.
• ينتهي دورك، ويجي اللي بعدك.
⸻
شرح الكروت بالتفصيل
3️⃣ كرت القنبلة 💣
• إذا سحبت قنبلة:
• لو معك كرت تفكيك → تستخدمه وترجع القنبلة للكومة بأي مكان تختاره( خلك خبيث وورطهم في القنبله بمكان حلو)
• لو ما معك تفكيك → تطلع من الجولة.
⸻
🔹 كرت التفكيك
• ينقذك من القنبلة.
• يُستخدم فقط وقت سحب القنبلة.
⸻
🔹 كرت تخطي
• ما تسحب كرت تمشيه على اللي بعدك
⸻
🔹 كرت عكس الدور
• ما تسحب كرت تعكس الدور على اللي قبلك
⸻
🔹 كرت طاوه مدبلة
• تختار اي لاعب يلعب دورين متتاليين. (يا يطرح ورقه ويسحب او يطرح ورقتين او يسحب ورقتين على حسب مايبغى)
⸻
🔹 كرت طاوه وحده
• تختار اي لاعب يلعب . (يا يطرح ورقه او يسحب على حسب مايبغى)
⸻
🔹 كرت خلط
• يخلط كومة السحب كلها.
• ما أحد يعرف وين القنابل.
⸻
🔹 كرت فحص
• يخليك تشوف اول ثلاث كروت من الكومه.
• براحته اذا يبغى يعلمكم اذا هي امان او يورطكم ويكذب عليكم او مايقول اي شي.
⸻
🔹 كرت مبادلة (3 أوراق)
• إذا صار معك 3 أوراق مبادلة:
• تختار أي لاعب.
• تبدّل كل أوراقك مع أوراقه كاملة.
• المبادلة تصير فورًا، وبعدين يكمل اللعب.
ملاحظة: ما تختار كرت معيّن، تبديل كامل اليد.
⸻
🔹 كرت سحب
• تختار أي لاعب وتاخذ منه ورقه يختارها هو .
⸻
🔹 كرت اسفل
• تسحب ورقه من اسفل الكومه.
5️⃣ نهاية الجولة
• تستمر اللعبة لين:
• كل اللاعبين يطلعون إلا واحد.
• آخر لاعب باقي = الفايز.
⸻
نقاط مهمّة
• اذا خلصت ورقك اجباري تسحب خلك ذكي ووازن بين السحب واللعب وحاول تسحب وقت الامان
• راقب الهجمات والسحب، لأنها تكثر القنابل.
• مبادلة الأوراق سلاح خطير… استخدمه بذكاء.
• التفكير أهم من السرعة.